Ил тод байдал ба хариуцлага
Каритас Чех Репаблик байгууллага нь шудрага ёс, ил тод байдал, хариуцлагын талаар шийдэмгий, тууштай ажилладаг. Энэ нь бидний хэрэгжүүлдэг төсөл хөтөлбөрүүдийн зорилтод бүлгийн хүмүүс, хандивлагчид, бидний түншүүд болон бүх ажилтан нарыг хамарсан байдаг.
Байгаль, хүрээлэн буй орчин маш эмзэг бөгөөд бидний хийж буй ажил үйлс асар их хариуцлагыг дагуулсан байдаг гэдгийг хүлээн зөвшөөрч, бид өөрсдөө хамгийн өндөр стандартыг дагаж мөрдөхийн тулд хатуу бодлого, тогтолцоог нэвтрүүлэн ажиллаж байна.
Ёс зүй ба зан байдлын код дүрэм
Манай байгууллагын үндсэн үнэт зүйл бол хүний эрхийг дээдлэх, эв нэгдэл, гарал үүсэл, итгэл үнэмшилээс үл хамааран бүх хүмүүст нээлттэй байх явдал юм.
Хүүхэд хамгаалал
Хүүхэд болон өөрийгөө хамгаалах чадваргүй насанд хүрэгчдийг хамгаалах нь бидний үндсэн зорилгуудын нэг. Бид бэлгийн мөлжлөг, хүчирхийлэл, дарамтаас урьдчилан сэргийлэхийн тулд боломжтой бүхнийг хийдэг.
Залилан, Авлига, Хээл хахууль
Луйвар, авлига, ашиг сонирхлын зөрчлийн эрсдэл, үр дагаврыг бид сайн мэднэ. Ийм төрлийн гэмт хэргээс урьдчилан сэргийлэх, илрүүлэх, үр дүнтэй хариу арга хэмжээ авах хатуу дүрмийг бид мөрддөг. Мөн гуравдагч этгээд бидний үйл ажиллагааг мөнгө угаах, терроризмыг санхүүжүүлэхэд ашиглахаас урьдчилан сэргийлэх арга хэмжээг ч авсан.
Хүрээлэн буй орчны бодлого
Уур амьсгалын өөрчлөлт бол орчин цагийн хамгийн чухал сорилтуудын нэг юм. Бидний амьдарч буй байгаль орчин, нийгэмд үлэмж сөрөг нөлөө үзүүлдэг. Тиймээс бид олон улсын болон дотоодын үйл ажиллагаандаа байгаль орчныг хамгаалах, тогтвортой байдлыг хангахыг үргэлж эрмэлздэг.
Шүгэл үлээгчийн бодлого
Амлалтдаа үнэнч байх, хийсэн үйлдлийнхээ төлөө хариуцлага хүлээх нь бидний үндсэн үнэт зүйлсийн нэг билээ. Бид ажилтнууд болон хамтрагчдынхаа зохисгүй, хайхрамжгүй үйлдлийн талаарх санал хүсэлтийг хүлээн авч, мэдээлэгчийн сөрөг үр дагавраас хамгаална.
Санал хүсэлт ба гомдол
Эрхэм зорилгоо биелүүлэхийн тулд бид өөрсдийн үнэт зүйл, мэргэжлийн болон хувь хүний ёс зүйн өндөр стандартыг баримтлахыг хичээдэг. Бидний зан үйлийг уг стандартад нийцээгүй тохиолдол гарсан бол бид шийдвэрлэхэд бэлэн байна.
Санал хүсэлт ба гомдол
Бид тасралтгүй өсөж хөгжихийг эрмэлздэг. Тиймээс Каритас Чех Репабликтай харилцаж буй хүн бүр санал бодлоо илэрхийлэх боломжтой байх нь бидний хувьд чухал. Эерэг сэтгэгдэл эсвэл сэжигтэй санагдсан үйлдлээ бидэнд мэдэгдээрэй. Зөвхөн ажилтнууд, түншүүд төдийгүй бидний дэмждэг хүмүүст энэ журам хамаатай.
