1. 7 дугаар сар 2024
Мэдээ
Европын Холбооны SWITCH-Asia хөтөлбөрийн санхүүжилттэйгээр хэрэгжиж буй “Эдийн засгийн ногоон шилжилт” төслийн хүрээнд “Эко-тэмдэг, ногоон хөгжлийн шилжилт” сэдэвт туршлага судлах хөтөлбөрийг 2024 оны 6 дугаар сарын 2-оос 12-ны өдрүүдэд ХБНГУ-д амжилттай зохион байгууллаа.
Берлин, Бонн, Мюнхен зэрэг хотуудад зохион байгуулагдсан тус хөтөлбөрт МУ-аас хүнс, хөдөө аж ахуйн салбарын үйлдвэрлэгчид, худалдаа эрхлэгчид, холбогдох төрийн байгууллагуудын төлөөлөл хамрагдсан юм.
Хөтөлбөрийн зорилго нь ногоон гэрчилгээжүүлэлтийн тогтолцоо ЕХ-ны орнуудад хэрхэн хэрэгждэг талаарх цогц мэдлэгийг олгох байсан ба үүний хүрээнд оролцогчид органик фермийн аж ахуй, байгаль орчны тэмдэгжүүлэлт, ногоон хөгжлийн үе шатыг хэрхэн хэрэгжүүлж буй бодит туршлагатай танилцлаа. Мөн Герман улсын төр, хувийн хэвшлийн хамтын ажиллагааны туршлагаас суралцсан юм.
