28. 11 дүгээр сар 2023
Мэдээ
Улаанбаатар хот, 2023 оны 11-р сарын 24 – Монголын иргэний нийгмийн байгууллагуудыг чадавхжуулах зорилгоор дөрвөн жил үргэлжилсэн, Европын Холбооны санхүүжилттэй “Бүгд Залуусын Төлөө, Залуус Бүгдийн Төлөө” төслийн хаалтын үйл ажиллагаа зохион байгуулагдлаа. Каритас Чех Репаблик, Иргэний Боловсролын Төв, Монголын Залуучуудын эвсэл байгууллагуудын хамтран уг төслийн хаалтын үйл ажиллагаа нь өсөлт хөгжил, оролцоо, цаашид тасралтгүй үргэлжлэх өөрчлөлтийн аяллын баталгаа болсон юм.
Тус төслийн Монголын нийгэмд авчирсан эерэг өөрчлөлтүүдийг толилуулъя:
Залуучуудыг чадавхжуулж, ур чадвар нэмэх:
Орон нутгийн ИНБ-ын 600 гаруй төлөөлөгч дөрвөн удаагийн чадавх бэхжүүлэх сургалтад хамрагдсан.
2366 гишүүнээс бүрдсэн залуучуудын ИНБ-ын хүчирхэг сүлжээ бий болсон.
ИНБ-ын 18 төлөөлөгч Европт туршлага судлах аялалд хамрагдсан нь бодлогын бодит өөрчлөлтөд хүргэсэн.
Залуучуудын оролцоог дэмжих:
Залуучуудын дунд олон тооны уралдаан тэмцээн, хэвлэл мэдээллийн кампанит ажил зарласнаар тэдний бүтээлч байдлыг өдөөж, залуучуудын идэвхтэй оролцоог бий болгосон.
Жил бүр уламжлал болгон зохион байгуулдаг Залуучуудын Иргэний нийгмийн форум дөрвөн жил дараалан олон мянган залуусыг төр, иргэний нийгэм, хувийн хэвшилтэй холбож, залуучуудын дуу хоолойг шийдвэр гаргагчдын сонорт хүргэсэн.
Залуучуудын хөдөлмөр эрхлэлт, бизнес эрхлэлтийг дэмжих:
44.5 сая төгрөгийн төсөвт өртөг бүхий бизнесийн уралдаан зарлаж, Монголын залуучуудыг ажлын байр бий болгох үйл явцыг дэмжив.
Олон нийтээс санхүүжилт босгох арга хэмжээ зохион байгуулснаар зургаан аж ахуйн нэгж нийт 21 сая төгрөг, 344 ам.долларын хөрөнгө босгожээ.
Монгол улс сайн дурынхныг байгууллагуудтай холбосон анхны сайн дурын Ivolunteer.mn вэб сайтаа нээлээ.
Иргэний нийгмийн хөгжлийг төлөвшүүлэх нь:
Иргэний нийгмийг хөгжүүлэх хөтөлбөрийн дараагийн үе шат хэрэгжиж, залуучуудын ИНБ-ын эрч хүчтэй экосистемийг бий болгосон.
Өдгөө 2921 хэрэглэгчтэй iVolunteer.mn вэб сайт нь залуучуудыг хүчирхэг нийгэм байгуулахад нь дэмжлэг үзүүлэх тулгын чулуу болсон юм.
Уг төсөл улс хаалтаа хийсэн ч Монголын залуучуудын ИНБ-ын тогтвортой тогтолцоог цаашид үргэлжлүүлэн дэмжих болно. Монголын иргэний нийгэмд үнэ цэнтэй мөр үлдээсэн “Бүгд Залуусын Төлөө, Залуус Бүгдийн Төлөө” төслийн хаалтын үйл ажиллагаагаар хамтын хүчин чармайлтаа эргэцүүлэн тунгаах, баярлах, талархал илэрхийлэх мөч байх болно.
