Хэвлэлийн мэдээ

6. 6 дугаар сар 2023 Хэвлэлийн мэдээ

Инноваци ба энтрепренер сэтгэлгээг дэмжсэн Эрдэм Хакатон 2023

Нийгэм, эдийн засгийн орчинд оюуны өмч, бизнес эрхлэх санааг нэвтрүүлэхэд дэмжлэг үзүүлэхийн зэрэгцээ инновацийн шинэлэг бүтээгдэхүүн, үйлчилгээг бий болгоход чиглэсэн “Эрдэм Хакатон 2023”-ын хаалтын үйл ажиллагаа 6-р сарын 5-нд болох гэж байна. Уг сонирхолтой арга хэмжээ нь 2023 оны 5-р сарын 30-наас 6-р сарын 5-ны хооронд үргэлжлэх "Монголын инновацийн 7 хоног 2023"-ын хүрээнд зохион байгуулагдаж байгаа юм. Хакатоны сүүлийн өдөр оролцогчдын гайхалтай төслүүдийг танилцуулах демо өдөрлөг болох болно.

18. 5 дугаар сар 2023 Мэдээ

Каритас Чех Репаблик Европын Өдөрлөг 2023 дээр

Жил бүр зохион байгуулагддаг Европын Өдөрлөг арга хэмжээ 2023 оны 5-р сарын 14-нд Сүхбаатарын талбайд болж, Европын орнуудын 70 орчим асарт элчин сайдын яам, бизнесийн болон төрийн бус байгууллагууд, төсөл хөтөлбөр хэрэгжүүлэгчид хуран цугласны нэг нь Каритас Чех Репаблик байв. Европ-Монголын хамтын ажиллагаа, соёлын солилцооны сонирхолтой арга хэмжээ, хөтөлбөр, соёлын үйл ажиллагаа, амттай хоол зэрэг бүх насныханд зориулсан өдөрлөгөөр Европын орнуудын соёл, ёс заншил, тухайн орнуудын Монголд хэрэгжүүлж буй төсөл, хөтөлбөрүүдийг танилцуулсан юм.

21. 4 дүгээр сар 2023 Мэдээ

Хогны Хувьсал 2023 үзэсгэлэн зохион байгуулагдлаа

Монгол Улсаас жилд гардаг 3.4 сая тонн хог хаягдлын 10-15 хувийг хуванцар хог хаягдал эзэлж байгаа нь нэг хүнд ноогдох хуванцар хаягдлын хэмжээгээр Дэлхийд 9-р байрт бичигдэж буй харамсалтай дүр зураг юм.

17. March 2023 Хэвлэлийн мэдээ

Бизнес эрхлэгчдийг холбох үйл ажиллагаа болж өнгөрөв

Европын Холбооны санхүүжилттэй SWITCH-ASIA хөтөлбөрийн хүрээнд хэрэгжиж буй “Монго Улс дахь хуванцар хог хаягдлын дахин боловсруулалтын тогтвортой байдлыг хангах” төслийн хүрээнд бизнес эрхлэгчдийг холбох үйл ажиллагаа 2023 оны 3-р сарын 17-ны өдөр Holiday Inn зочид буудалд амжилттай зохион байгуулагдлаа. Хуванцар хог хаягдал дахин боловсруулагч бичил, жижиг, дунд үйлдвэрлэл эрхлэгчдэд тогтвортой үйлдвэрлэл, санхүүжилтийн талаар мэдээлэл өгч, санхүүгийн үйлчилгээ үзүүлэгч байгууллагуудтай харилцаа холбоо тогтоох, хамтын ажиллагаагаа өргөжүүлэх боломжоор хангах зорилготой уг үйл ажиллагаанд 25 төлөөлөгч ирж оролцлоо. Арга хэмжээн дээр Уур амьсгалын өөрчлөлт, тогтвортой хөгжлийн судалгаа хөгжлийн төв ТББ-ын дэд тэргүүн Ш.Анармаа “Хуванцар хог хаягдал дахин боловсруулалтын уур амьсгалын өөрчлөлт, байгаль орчинд үзүүлэх нөлөөлөл ба аж үйлдвэрийн төслийн хүлэмжийн хий болон агаар бохирдуулагч бодисын ялгарлын хэмжээг тооцоолох нь”, Уур амьсгалын өөрчлөлтийн судалгаа, хамтын ажиллагааны төвийн захирал Б.Эрдэнэчимэг “Тогтвортой үйлдвэрлэл ба ногоон санхүүжилт” сэдвээр илтгэл тавьсан юм.