Хэвлэлийн мэдээ

ЗАЛУУЧУУДЫН ИРГЭНИЙ НИЙГМИЙН ЗУРГАДУГААР ЧУУЛГАН
3. September 2020 Хэвлэлийн мэдээ

ЗАЛУУЧУУДЫН ИРГЭНИЙ НИЙГМИЙН ЗУРГАДУГААР ЧУУЛГАН

Европын холбооны санхүүжилттэй хэрэгжиж буй “Бүгд залуусын төлөө, Залуус бүгдийн төлөө” төслийн хүрээнд Монголын залуучуудын эвсэл нь “Залуучуудын иргэний нийгмийн зургадугаар чуулган”-ыг 8 сарын 25 буюу Монголын залуучуудын өдрийг тохиолдуулан зохион байгууллаа. Тус чуулган нь НҮБ-ын Хүн амын сангийн дэмжлэгтэйгээр “Залуусаа сонсоцгооё: Цар тахал бидний амьдралд сэдвийн дор болж өндөрлөлөө.

ШУТИС-д барилгын хог хаягдал дахин боловсруулах  тоног төхөөрөмж хүлээлгэн өглөө
20. January 2020 Хэвлэлийн мэдээ

ШУТИС-д барилгын хог хаягдал дахин боловсруулах тоног төхөөрөмж хүлээлгэн өглөө

2019 оны 5-р сарын 30-нд Шинжлэх ухаан технологийн их сургууль (ШУТИС) –ийн дэргэдэх “Барилгын хог хаягдлыг дахин боловсруулах лаборатори”-ийг шинэчлэн засварлаж ашиглалтанд оруулах, тоног төхөөрөмж хүлээлгэн өгөх нээлтийн ажиллагаа боллоо. Европын холбоо болон Чехийн хөгжлийн агентлагийн дэмжлэгтэйгээр хэрэгжиж буй “Монгол улсын барилгын салбарын нөөцийн үр ашигтай байдал, цэвэр үйлдвэрлэлийг дэмжих төсөл”-ийн санхүүжилттэйгээр тус лабораторийг шинэчилж, шинэ тоног төхөөрөмжийг гардуулсан юм. Нээлтийн ажиллагааг ШУТИС – ийн захирал, профессор Б.Очирбат, ШУТИС-ийн Барилга архитектурийн сургуулийн захирал Э.Нинжгарав, Каритас Чех Репаблик (КЧР) Монгол дахь суурин төлөөлөгчийн газрын тэргүүн Яна Жилкова, Европын холбооны Монгол дахь суурин төлөөлөгчийн газрын Хамтын ажиллагааны хэлтсийн тэргүүн Пьер-Ив Люка нар нээсэн юм.

“Европын нээлттэй өдөрлөг” зохион байгуулагдлаа
20. January 2020 Хэвлэлийн мэдээ

“Европын нээлттэй өдөрлөг” зохион байгуулагдлаа

Монгол Улс, Европын холбооны хооронд дипломат харилцаа тогтоосны 30 жилийн ойг тохиолдуулан Европын холбооны Монгол Улсад суугаа Төлөөлөгчийн газраас 5-р сарын 26-нд Сүхбаатарын талбайд “Европын нээлттэй өдөрлөг” арга хэмжээг зохион байгууллаа. Өдөрлөгийн үеэр Европын холбооны гишүүн орнуудын соёл уламжлалтай танилцах, гишүүн орнуудад суралцах, аялах боломжийн талаар болон шенгений виз хэрхэн авах тухай дэлгэрэнгүй мэдээлэл, зөвлөгөө авах, аж ахуйн нэгжүүдийн бараа бүтээгдэхүүний үзэсгэлэнг үзэж сонирхохоос гадна үндэсний хоол, амттанаар дайлуулах, урлагийн тоглолт үзэх гэх мэт иргэд, олон нийтэд зориулсан төрөл бүрийн арга хэмжээ болсон юм. Мөн Европын холбооны санхүүжилтээр манай улсад хэрэгжиж буй 20 гаруй төсөл хөтөлбөрүүдийн талаар мэдээлэл авахын зэрэгцээ Европын аж ахуйн нэгжүүдийн үйл ажиллагаатай танилцах боломжийг олгож буйгаараа онцлогтой байсан юм.

Хог хаягдлын менежмент үндэсний форум дахь Технологийн үзэсгэлэн
20. January 2020 Хэвлэлийн мэдээ

Хог хаягдлын менежмент үндэсний форум дахь Технологийн үзэсгэлэн

Байгаль орчин, аялал жуулчлалын яамнаас "Хог хаягдлын менежмент" үндэсний форумыг "Хаягдалгүй эдийн засаг руу шилжих гарц ба шийдэл" сэдвийн хүрээнд 2019 оны 5 дугаар сарын 07-ны өдөр зохион байгууллаа. Энэхүү форумын гол зорилго нь Монгол улсын хог хаягдлын менежментэнд тулгарч буй асуудал, түүнээс гарах шийдэл, цаашдын төлөвлөгөөг хэлэлцэх явдал байв. Тус форумын технологийн үзэсгэлэнд Каритас Чех Репаблик (КЧР) Монгол дахь суурин төлөөлөгчийн газар нь хог хаягдлын менежментийн төслийн хүрээнд гарган авсан бүтээгдэхүүнээ танилцууллаа.  Тус үзэсгэлэнд холбогдох яамд, хувийн хэвшил, ТББ, хог хаягдал дахин боловсруулах үйлдвэр, орон нутгийн өөрөө удирдах байгууллагууд мөн оролцсон юм.

“Залуусын дуу хоолой” оролцоотой, хариуцлагатай байхыг уриаллаа
20. January 2020 Хэвлэлийн мэдээ

“Залуусын дуу хоолой” оролцоотой, хариуцлагатай байхыг уриаллаа

Каритас Чех Репаблик (КЧР) Монгол дахь суурин төлөөлөгчийн газар нь “Монгол улсын барилгын салбарын нөөцийн үр ашигтай байдал, Цэвэр үйлдвэрлэлийг дэмжих” төслийн хүрээнд Залуусын дуу хоолой чуулга уулзалтыг Улаанбаатар хотноо 6-р сарын 15, 16 – нд Blue Sky зочид буудалд хамтран зохион байгууллаа. Залуусын дуу хоолой чуулга уулзалт нь хэд хэдэн сэдвийг хамарсан бөгөөд КЧР байгууллага нь 3Р буюу багасгах, дахин хэрэглэх, дахин боловсруулах ойлголтын хүрээнд Хог хаягдлаас баялаг руу хэмээх сэдвийн доор хог хаягдал, түүнийг дахин боловсруулах талаарх олон нийтийн ойлголт мэдлэгийг сайжруулан, төслийнхөө талаар танилцууллаа.