Төсөл

Бидний тусламж хаана хэрэгтэй байна тэнд бид тусламж үзүүлдэг. Дайн байлдаан, байгалийн гамшигт өртсөн хүн амд хүмүүнлэгийн тусламж үзүүлэх, хөгжлийн хамтын ажиллагааны хүрээнд хүн амыг ядуурлаас салгах, тэдний амьжиргааг нь дээшлүүлэхэд нь дэмжлэг үзүүлж байна. Нийгмийн халамж болон эрүүл мэндийн хөгжилд анхаарлаа хандуулахаас гадна орон нутгийн хөгжил, байгаль орчны хамгаалал мөн Монгол улсад системийн өөрчлөлт дээр идэвхтэйгээр ажиллаж байна.

21. March 2022 Хэвлэлийн мэдээ

Европын Холбооны дэмжлэгтэй хэрэгжиж буй төсөл нь хог хаягдлын менежментийг сайжруулна

Хог хаягдал нь байгаль орчин болоод хүний эрүүл мэндэд хор нөлөөтэйгөөс гадна эдийн засагт ч сөргөөр нөлөөлдөг байна. Манай улсад хог хаягдлыг дахин боловсруулах нэгдсэн систем байхгүй бөгөөд албан бус, хяналтгүй хогийн цэгүүдэд хогоо хаяж, шатааж байна.

21. 2 дугаар сар 2022 Мэдээ

Хог хаягдлын менежментийг сайжруулахаар Иргэний нийгмийн байгууллагууд нэгдэж байна

Хуванцар материал нь бидний өдөр тутмын амьдралын салшгүй нэг хэсэг болсон. Хуванцар нь хямд төсөр, гайхалтай уян хатан хэдий ч эдгээр чанарууд нь эргээд байгаль орчинд ноцтой асуудал үүсгэдэг. Иймд Каритас Чех Репаблик байгууллага нь түнш байгууллагуудтайгаа хамтран хуванцар хог хаягдлын байгаль дахь сөрөг нөлөөг бууруулах, хог хаягдал дахин боловсруулах салбарын иргэний нийгмийн байгууллагуудыг дэмжин ажиллаж байна.

14. 2 дугаар сар 2022 Мэдээ

Залуучууд хөгжин цэцэглэх нийгмийг бүтээхүй

Залуучуудад ямар асуудал тулгардаг, сайн сайхан нийгмийг бүтээхэд залуучуудыг хэрхэн дэмжих хэрэгтэй гэдгийг та мэдэх үү? Манай улсын хүн амын гуравны нэгийг залуучууд эзэлдэг хэдий ч бүхий л салбарт тэдний оролцоо, дуу хоолой дутаж, олон бэрхшээлтэй тулгардаг байна. Иймд бид БНЧУ-ын Гадаад Хэргийн Яамны дэмжлэгтэйгээр залуучуудыг нийгмийн идэвхтэй гишүүн болгохын төлөө тэднийг сурган ажиллаж байна.

11. 1 дүгээр сар 2022 Мэдээ

Каритас Чех Репаблик Монгол дахь суурин төлөөлөгчийн газрын 2021 оны онцлох үйл явдлууд

Цар тахалтай өнгөрсөн хоёр жилийг эргэн харахад эдгээр он жилүүд нь бидэнд зөвхөн сөрөг үр нөлөө үзүүлээд зогсохгүй, биднийг илүү тэсвэр тэвчээртэй, аливаад дасан зохицох чадвартай болгосон эерэг үр дагаврыг ч мөн авчиржээ. Каритас Чех Репаблик Монгол дахь суурин төлөөлөгчийн газар болон түүний хамтрагч байгууллагууд нь нийгмийн сайн сайхан байдлын төлөө тусламж дэмжлэг шаардлагатай байгаа хүмүүст буюу ялангуяа залуучуудыг дэмжин ажиллаж, мөн байгаль орчин дахь сөрөг нөлөөллийг бууруулахад төвлөрөн ажилласан байна. 2021 оныг эргэн дурсах онцлох мөчүүдийг та бүхэнтэйгээ ийнхүү хуваалцаж байна:

22. 12 дугаар сар 2021 Мэдээ

Ирээдүй хойч болсон хүүхдүүдэд хог хаягдлыг ангилах талаар зааж байна

Хог хаягдлаас үүдэлтэй байгаль орчин, нийгэм, эдийн засгийн хурдацтай өсж буй сорилтуудаас харахад Монгол улсад шийдэх ёстой чухал асуудлуудыг нэг бол хог хаягдал гэдгийг харуулж байна. Хэдийгээр Монгол улс хог хаягдлаа багасгах, дахин хэрэглэх, боловсруулах стратеги, бодлогуудыг гаргаж байгаа хэдий ч олон нийтийн дунд хог хаягдлаа ангилах дадал тогтоогүй байна. Иймд Каритас Чех Репаблик Монгол дахь Суурин төлөөлөгчийн газар болон Монголын Тогтвортой Хөгжлийн Гүүр ТББ хамтарч олон нийт болон холбогдох талуудад хог хаягдлын менежементийн талаарх олон төрлийн сургалтуудыг амжилттай зохион байгуулсаар байна.

9. 12 дугаар сар 2021 Мэдээ

Залуучуудын хөдөлмөр эрхлэлтийг дэмжих медиа кампанит ажил зохион байгуулагдаж байна

Дэлхийн улс орнуудад залуучуудын хөдөлмөр эрхлэлтийн асуудал нэгэнт анхаарлын төвд орж, хамгийн их санаа зовоосон асуудал болжээ. Монгол Улс ч энэ сорилттой нүүр тулж байна. МУ-ын Үндэсний Статистикийн Хорооны мэдээллээр, 15-34 насны залуучуудын 52% нь ажилгүй буюу хөдөлмөр эрхэлж буй ядуу хүмүүс байна. Энэ нь Монгол Улсын хөдөлмөрийн насны хүн амын 50% юм. Гэтэл нөгөө талд “Ажил хийх хүн олдохгүй байна. Хөдөлмөрийн зах зээлд залуу ажиллах хүчний хомсдол их байна” гэдэг. Ийнхүү ажиллах хүч болон хөдөлмөрийн зах зээл нэг цэгт огтлолцож чадахгүй байгаа нь юутай холбоотой вэ?

29. 11 дүгээр сар 2021 Ярилцлага

“Бид 10 гаруй тонн хог цэвэрлэсэн” О.Билэгтөр

Манай улсад хотжилт хурдацтай нэмэгдэж, хэрэглэгчдийн зан үйл, хэв маяг өөрчлөгдөж байгаатай холбоотойгоор хог хаягдлын хэмжээ жил ирэх тусам нэмэгдэж байна. Эдгээр хог хаягдал нь хяналт зохицуулалт муутай хогийн цэгт хүргэгдэж эсвэл байгальд ил задгай хаягдаж байна. Энэхүү асуудалд залуучууд нэгдэн нийлж, гол мөрөн, ой мод, хотын гудамж талбайд ил задгай хаягдсан хог хаягдлыг идэвхитэй цэвэрлэж буй юм. Европын Холбооны санхүүжилттэй “Монгол улс дахь хуванцар хог хаягдлын дахин боловсруулалтын тогтвортой байдлыг хангах” (SPRIM) төслийн хүрээнд байгуулагдсан Иргэний нийгмийн байгууллагуудын сүлжээний гишүүн О.Билэгтөр нь эдгээр залуучуудын төлөөлөл юм. Тэрээр Залуучуудын Эко клуб, Ногоон Сэтгэе клубийн тэргүүн бөгөөд доорх ярилцлагаар эдгээр клубийн зорилго, хэрэгжүүлж байгаа үйл ажиллагаа, цаашдын зорилгын талаар бидэнтэй хуваалцсан юм.

15. 11 дүгээр сар 2021 Хэвлэлийн мэдээ

“Хөдөлмөр эрхлэлтийн талаарх залуучуудын дуу хоолой” хэлэлцүүлэг

Манай улсын бүртгэлтэй ажилгүй иргэдийн 55 хувь нь 15-34 насныхан байна. Манай улсын хүн амын 1/3 хувийг залуучууд эзэлдэг ч ажилгүй залуус олон байна. 2021 оны есдүгээр сарын эцсийн байдлаар, манай улсад 15.0 мянган бүртгэлтэй ажилгүй иргэн байна. Үүний 55 хувийг 15-34 насныхан эзэлж байна.

4. 11 дүгээр сар 2021 Ярилцлага

Хог хаягдлын асуудал “харанга дэлдэх” хэмжээнд хүрснийг энэ зун аялал хийж байхдаа анзаарсан

Монгол орны байгалийн үзэсгэлэн, нүүдлийн соёл нь гадаадын зочид, аялагчдыг татдаг байсан бол сүүлийн жилүүдэд дотоодын аялагчид гэр бүл, найз нөхөдтэйгөө аялах нь ихэссэн. Ил задгай хаясан хог хаягдлыг харж эмзэглэж, хог хаягдлын талаарх олон нийтийн мэдлэгийг дээшлүүлэхэд өөрийн хувь нэмрээ оруулж яваа үлгэр жишээ залуу гэр бүлүүд ихсэж байна. Каритас Чех Репаблик байгууллага нь “Хуванцар хог хаягдлын дахин боловсруулалтын тогтвортой байдлыг хангах” төслийн хүрээнд хог хаягдлын асуудлыг хөндсөн нэвтрүүлэг хийсэн бөгөөд тус нэвтрүүлгийг хамтран бүтээсэн Н. Пүрэвдоржийн гэр бүл өөрсдийн байгаль орчинд ээлтэй амьдрах туршлагаасаа бидэнтэй хуваалцсан юм. Н. Пүрэвдоржийн гэр бүл нь Улаанбаатар хотын агаарын бохирдол, түгжрэл гээд олон асуудлыг үүсгэж буй автомашинаас татгалзаж гэр бүлээрээ унадаг дугуй хэрэглээд нэлээдгүй олон жил болж байгаа юм.

1. 11 дүгээр сар 2021 Амжилтын түүх

Би яагаад сайн дурын ажил хийдэг вэ?

Каритас Чех Репаблик олон улсын төрийн бус байгууллагын тэргүүн Яна Зилкова нь олон улсын хөгжил, төслийн менежмент, бодлого тодорхойлолт, судалгааны чиглэлээр 10 гаруй жилийн туршлагатай. Тэрээр Европын болон Азийн улс орнууд болох Чех, Бельги, Герман, Сингапур, Дани, Монгол зэрэг улс орнуудад суралцаж, ажилласан. Өнөөдөр Яна Зилкова нь та бүхэнтэй сайн дурын ажлын тухай өөрийн туршлагаасаа ийнхүү хуваалцаж байна.

Буцах Дээш Хэвлэх

Caritas Czech Republic
in Mongolia

Каритас салбар байгууллагууд

Бидэнтэй ажиллах

Холбоо барих